Ur stragegiezh war 4 lodenn
1 - Kreñvaat frammañ hentenn ar c’helenn d’an dud deuet
Ma rank ur strategiezh e giz-se bezañ douget en un doare fraezh ha sklaer eo ret ivez kaout evit al lodenn war ar c'helenn ur framm a vo e penn an traoù, ha d’ar frammmañ bezañ anavezet e berzh.
Hentad ar c’helenn brezhoneg d’an dud deuet en deus gant Deskin d'An Oadourien (DAO) ul lec’h a-stroll ha derc’houezus evit labourat. Kavet e vez an derc’houezusted-mañ er c’hinnig strategiezh diorren-mañ , met ivez er pennaennoù embannet gant ar gengevredigezh DAO, dreist holl.

Mod-ober labelizet

Mont war zu ur mod-ober labelizet, harpet dija war diazezoù ur garta, micherelaat, implij portfolio europat ar yezhoù...

Ur c’hinnig frammet

Ober a-seurt ma vo ur c’hinnig kentelioù-stummadurioù war Breizh a-bezh ha ma c’hello an holl re a ginnigo ur oberenn stummañ kaout ur mont-en-dro yac’h da geñver an arc’hant.

Skoazell d’ar c’hevredigezhioù

En em aozañ dre diriadoù, evit bezañ gouest da skoazellañ ar c’hevredigezhioù lec’hel a gas ar c'hentelioù sizhuniek gant kelennerien a-youl vat (kelennerien, ostilhoù, micherelaat,...)

Nos actions et outils

Exercices en ligne

DAO propose sur son site internet des exercices aux apprenants et les informations concernant les différentes formules d'apprentissage de la langue.

Évaluations annuelles

Tous les ans, nous élaborons des évaluations de fin d'année pour les premiers niveaux de cours de breton.

Information du grand public

La fédération élabore des supports d'infor-mation et de promotion de l'enseignement à destination du grand public.

Matériel pédagogique

Nous mettons également du matériel pédagogique à la disposition des enseignants par le biais de DAOdaf', une valise pédagogique numérique, financée avec à l'aide de la Redadeg 2014.

Des associations labellisées

Un label est attribué aux associations qui respectent la charte des cours de breton. Ce label garantit une qualité au niveau de l'en-seignement proposé par les associations membres de DAO.

Le KWIZ

DAO est organisatrice du Kwiz en langue bretonne.
2 - Stummañ ar stummerien da zont
A bouez-ruz eo al lodenn-mañ en hor strategiezh

Kreñvaat ar rouedad stummerien

Ar pal stummañ 5000 yezher bep bloaz ac’hann da 15 vloaz ne c’hell ket bezañ tizhet gant an niver a stummerien a zo bremañ er rouedad, dav e vo tuta ha stummañ eta.

Ur sell ledan ha poellek eus ar yezh

"Stummadur ar stummerien" a zegaso d’ar rouedad ur sell ledanoc’h ha poellekoc’h eus ar yezh, eus ur gevredigezh divyezhek d’an hentad a-bezh.

Ar youl hon eus da sevel ur gwir stummadur stummer-ez brezhoneg d'an dud deuet, o kenlabourat gant Skol-Veur Roazhon II hag ar c’hreizennoù stummañ a zo anezho c'hoazh. Ar pal hon eus da ginnig ur stummadur a gaso d’un diplom, a c’hello bezañ un opsion eus an aotregezh micherel FCIS (Formateur-conseil indépendant ou salarié) kinniget gant Skol Veur Roazhon. Dav vo en dazont lakaat da daveeniñ ar vicher « stummer war ar brezhoneg d’an oadourien ».
Diazezet e vo ar stummadur war 2 varregezh :

Donaat mestroni ar yezh

Donaat mestroni ar yezh, al lodenn-mañ o vezañ fiziet e stummerien ar c’hreizennoù- stummañ ezel eus DAO.

Pedagogiezh ar stummañ oadourien

Ar stummadur pedagogel d’ar vicher stummer d’an oadourien, harpet war ar pezh a vez kinniget gant ar Skol-Veur.

9 miz e pado ar stummadur-mañ evit tud tizhet ganto al live B2 da vihanañ da vare an tuta kentañ.
400 kelenner vo dav kaout a-benn 15 vloaz evit gellet stummañ 5000 yezher ar bloaz.
320 stummer nevez da stummañ da lâret eo 22 stajiad ar bloaz. Ar stajidi-mañ a c’hello dont eus ar stummadurioù hir kinniget gant hor rouedad pe eus an dud heuliet ganto o maread skol en un hentad divyezhek pe Diwan.
80 stummer a-vicher a zo dija war al labour, d’ar re-mañ e vo dav kinnig kreñvaat o barregezhioù ivez.
Brasjedet hon eus koust ar stummadur-mañ da 4300€/stajiad er bloavezh 15 (3750€ ar bloavezh gentañ).


Dav e vo arc’hantaouiñ ar c’houst-mañ hogozik en un doare hiniennel met en ur stern marc’hataet etre ar Rannvro, ar Stad, an OPCAoù (evit ar stajidi e stummadur dibaouez, CIF...)
Ar stignadoù Skoazell ha Desk a c'hello bezañ ledanaet a-benn desachañ tud war zu ar vicher stummer brezhoneg d'an dud deuet. Ar memes reolennoù a Skoazell ha Desk Kelenn, Desk babigoù a c'hello bezañ lakaet da ac'hantaouiñ stummadur an danvez stummerien. Koust a rafe ar skoazelloù-mañ 235. 000€ er bloavezh 15 ha 3,3 milion en holl war 15 bloaz.
3 - Lakaat ar pouez war ar stummadurioù hir
War ar stummadurioù hir e fell da rouedad DAO lakaat ar pouez er strategiezhmañ.
Kinniget e vez ar stummadurioù-se c'hoazh gant kreizennoù stummañ ezel eus DAO.
Kas a reont an dud da vestroniañ ar yezh koulz dre gomz ha dre skrid en ur ober 1200 eurvezh war 9 miz.
War pal a 5000 den stummet bep bloaz ac’hann da 15 vloaz e vefe 4500 den stummet dre an hentenn-mañ.
Dont a-benn da stummañ 4500 den ar bloaz dre ar stummadurioù hir a dalvez :

• Ur c’hresk etre 15 % hag 20 % bep bloaz
• Ur c’houst brasjedet a 31,5 milion a euroioù er bloavezh 15
3 abeg pennañ d’an dibab-mañ :

Efedusted

Ar skiant-prenet a ziskouez eo an hentenn-mañ an hini efedusañ da gelenn ar yezh

Un hentenn a bloij d’an deskidi

Klotañ a reont gant ezhommoù ha redioù an dud da geñver an amzer e c’hellont gouestlañ da zeskiñ ar yezh

Ur padelezh da aesaat an arc’hanterezh

Meur a zoare a vez da arc’hantouiñ anezho hervez statud an dud (Rannvro pe Pol Implij evit an dud dilabour, OPCA….).

Ma vo anv amañ eus diorren ar stummadurioù hir hag an hentenn Pevarlamm, ez eo anat deomp e rank ar c'hentelioù sizhuniek hag ar stajoù kenderc'hel da vont, rak amañ e vez graet ar c'hammedoù kentañ gant kalz a dud ha chom a reont ul lodenn pouezus tre eus ar c'hinnig deskiñ brezhoneg d'an oadourien en holl tiriadoù.
4 - Ledanaat ar c’hinnig : ar stummadurioù Pevarlamm
Ouzhpenn d’ar stummadurioù hir, e fell da rouedad DAO diorren an hentennoù Pevarlamm. Ar formulenn-mañ a c’hell bezañ un diskoulm evit an dud ne c’hellont ket mont war ur stummadur 6 pe 9 miz.
Gant ar c’hoant ledannat ar c’hinnig e fell deomp diorren an hentennoù Pevarlamm. Evit respont da ezhommoù disheñvel, ha/pe da c’hoantoù pe barregezhioù hinienneloc'h.
Daoust d’an niver a dud stummet bep bloaz (500) er bloavezh 15, bezañ izel awalc’h, talvezout a ra memestra da gaout 2200 den enskrivet war ar 4 bloaz a ra ar c’hursus.
Kinniget e vez dija ar c’hursus-mañ gant izili ‘zo eus DAO, gant stummerien avicher.
Diazezet eo ar stummadur war 3 eurvezh ar sizhun, 5 devezh hag ur sizhunvezh staj, da lâret eo 160 eurvezh ar bloaz, war 4 bloaz.
Dre ma n’eo ket ken pounner aozadur ar c’hursus Pevarlamm, e c’hello muioc’h a izili eus DAO kemer perzh er strategiezh diorren. E giz-se e vo ur c’hinnig klokoc’h ivez da geñver an tiriadoù.
War ar 5000 yezher nevez stummet bep bloaz a-benn 15 vloaz e vefe eta 500 a zeufe eus an hentenn Pevar lamm.
Kresk an niver a zeskidi betek stummañ 500 den er bloavezh 15 a zegaso ur c’houst brasjedet a 3,6 milion a euroioù er pempzekvet bloavezh evit 2240 stajiad war pevar bloavezh ar c’hursus.

Ar c’houst-mañ vo da vezañ kemeret e-karg gant an deskidi evit ul lodenn, gant ar strollegezhioù lec’hel hag ar Stad evit ul lodenn all.

Perzh Kuzul Rannvro Breizh a c’hellfe bezañ da skouer 100€ dre zeskad ha dre bloavezh evel ma vez graet gant Departamant Penn Ar Bed. Gant ar perzh-mañ e savfe ar c’houst dre vras da 255.000€ ar bloaz evit ur sammad a 1,8 milion € war 15 bloaz.