Arzoù ha savadurioù e Breizh

E Plistin emañ an dismantroù-se. Peseurt savadur e oa ?
1. Termoù eus ar c'hentañ kantved goude JK
2. Ar chapel savet el lec'h ma tilestras sant Gireg
3. Ul lovrdi a zegemeras klañvidi betek an XIXvet kantved
4. Un templ en enor da Verc'her
Chapel Sant-Goneri, gant he zour stouet, a c'heller bamañ dirazi e :
1. Landelo
2. Landudeg
3. Sarzhav
4. Plougouskant
E Sant-Senour (Saint-Senoux), e kreisteiz Il-ha-Gwilun, e vez souezhet Yann-baleer gant an iliz. Perak ?
1. Dispartiet eo ar c'hloc'hdi diouzh an iliz gant an hent
2. Ar gwer-livet a ziskouez prantadoù eus an Dispac'h
3. Bulbennoù zo ouzh ar c'hloc'hdi, stumm bizantat dezhañ
4. Dorioù faos zo bet kizellet er mogerioù a-benn kuzhat an hini wir
E chapel Kervaria an Hiskid, e-kichen Plouha, ez eus un oberenn na chomfe nemet 7 eus he seurt e Bro-C'hall. Petra eo ?
1. Ur jube olifant
2. Ur maen-badez, stumm ur vag dezhañ
3. Ul liverezh moger eus dañs an Ankoù
4. Un delwenn goad eus an diaoul
Pelec'h e c'heller gwelet ar jube kaer-mañ savet er XVIvet kantved ?
1. Er Faoued
2. E Lokenvel
3. E Ploueskad
4. E Brieg
Mari Manac'h, deuet da vezañ Lady Mond, a lakaas sevel ur c'hastell e Benac'h, diskar anezhañ hag adsevel 10 metr pelloc'h. Perak ?
1. Ul lennerez planedennoù he doa aliet anezhi d'en ober
2. Ne veze ket gwelet an iliz eus he c'hambr
3. Lakaat a rae porched an iliz en disheol
4. Kavout a rae e oa re dost eus an hent
N'eus ket kalz pontoù gant tier warno en Europa ken. Unan zo e Breizh. E pelec'h ?
1. E Pontrev
2. E Landerne
3. En Alre
4. E Dinan
E chapel Lokenvel eo toullet an tri frenestr-mañ. Petra 'oa o roll ?
1. Leuskel bannoù an heol da sklêrijenniñ an aoter
2. Lakaat ar gakouzien da sellet ouzh an oferenn eus an diavaez
3. Krouiñ trouzioù melkonius pa vez avel
4. Lakaat klopennoù da vare Gouel an Anaon
Brudet eo Plouilio evit un oberenn arzel dibar en hec'h iliz. Pehini ?
1. Delwenn goad an Ankoù
2. Izelvos ivor an ebestel
3. Taolenn seiz an dugez Anna
4. Maketenn alumetez ur bladenn-nij
Ur wiblenn ispisial zo bet lakaet war lein kloc'hdi iliz Sant-Tudi e Groe gant korriganed. Petra eo ?
1. Ur vag-pesketa
2. Ur beleg
3. Un ton
4. Ur vorganez

Arzoù ha savadurioù e Breizh

Kwiz